Federata e Çiklizmit e Kosovës po përgatitet të organizojë më 3 qershor Kampionatin Ballkanik të Çiklizmit 2026, një ngjarje që zhvillohet për herë të parë në vend. Në një konferencë për media, drejtuesit e federatës do të prezantojnë detaje mbi organizimin, përgatitjet teknike dhe operative, si dhe ambiciet e ekipit kosovar për këtë garë rajonale. Në këtë kampionat do të marrin pjesë përfaqësues nga 10 shtete të Ballkanit, duke shënuar një hap të rëndësishëm për zhvillimin dhe promovimin e çiklizmit në Kosovë. Organizimi i këtij eventi pritet të forcojë pozicionin e Kosovës në skenën sportive rajonale dhe të nxisë interesin për këtë sport në vend.