Pas një periudhe pasigurie dhe dyshimesh për shkak të mosmarrëveshjeve mes Komitetit Olimpik të Kosovës dhe Federatës së Futbollit të Kosovës, është marrë vendimi përfundimtar që Kosova do të marrë pjesë në turneun e futbollit në Lojërat Mesdhetare 2026. Përfaqësimi do të bëhet nga ekipi i vajzave U18, duke shënuar kështu një hap të rëndësishëm për futbollin kosovar në arenën ndërkombëtare. Lajmi është konfirmuar nga burime brenda FFK-së dhe Komiteti Olimpik i Kosovës, duke i dhënë fund pasigurisë së mëparshme. Lojërat Mesdhetare do të zhvillohen në Taranto të Italisë nga 21 gushti deri më 3 shtator 2026, me mbi 20 shtete pjesëmarrëse nga rajoni mesdhetar.