Përfaqësuesja e Kosovës në futboll për femra nis të martën kualifikimet për Kupën e Botës 2027, duke u përballur në stadiumin “Fadil Vokrri” me Gjibraltar, ekipin më të dobët në këto gara. Ndeshja e dytë do të zhvillohet më 7 mars kundër Kroacisë në Karlovc. Kosova garon në Grupin 3 të Ligës C, ku fituesit e grupeve kalojnë në plejof, ndërsa dy ekipet më të mira të vendit të dytë gjithashtu kualifikohen në këtë fazë. Në të njëjtin grup janë edhe Bullgaria dhe Kroacia, ndërsa kualifikimi direkt nga Liga C në Botëror nuk është i mundur.