Përzgjedhësi i Kosovës, Franco Foda, do të publikojë më 20 mars listën e futbollistëve të grumbulluar për ndeshjen e rëndësishme ndaj Sllovakisë, që zhvillohet më 26 mars në Bratislavë. Kjo ndeshje është pjesë e gjysmëfinales së play-offit kualifikues për Kupën e Botës 2026, dhe fituesi do të sigurojë finalen përballë fituesit të ndeshjes Turqi-Rumani. Në listën e lojtarëve priten pak ndryshime, por mungesa e kapitenit Amir Rrahmani për shkak të lëndimit është e konfirmuar, si dhe e sulmuesit Dardan Shabanhaxhaj, i cili gjithashtu është i dëmtuar. Grumbullimi i ekipit do të nisë më 23 mars, ndërsa nëse Kosova kalon në finale, ndeshja do të zhvillohet në stadiumin “Fadil Vokrri”.