Përzgjedhësi i Kombëtares së Kosovës në volejboll për femra, Lorik Ilazi, ka publikuar listën e gjerë të volejbollisteve për pjesëmarrjen në Ligën Evropiane 2026, që do të zhvillohet gjatë muajit qershor. Në ekip janë rikthyer lojtare me përvojë dhe janë përfshirë volejbolliste që aktivizohen në kampionate të forta evropiane si Italia, Turqia dhe Zvicra. Kosova do të përballet me Spanjën, Bosnjë-Hercegovinën, Greqinë, Portugalinë, Malin e Zi dhe Hungarinë, me ndeshjet që do të zhvillohen në vende të ndryshme, përfshirë edhe dy ndeshje në Kosovë para publikut vendas.