Në qytetin italian të Tarantos vazhdojnë Lojërat Mesdhetare “Taranto 2026”, ku Kosova po përfaqësohet me një ekip prej 163 sportistësh. Sot, sportistët kosovarë garojnë në disa disiplina të ndryshme, përfshirë notin, taekwondon, mundjen, volejbollin, padelin, hendbollin dhe futbollin. Pas një dite të vështirë të shtunën, kur shumica e tyre nuk arritën rezultate pozitive, shpresat janë të mëdha për përmirësim dhe sukses në garat e ditës së sotme. Lojërat do të përfundojnë më 3 shtator, ndërsa Kosova synon të fitojë medalje në disa prej sporteve ku merr pjesë.