Kombëtarja e Kosovës në futsall ka mësuar kundërshtarët e saj në fazën Main Round të kualifikimeve evropiane për Kupën e Botës FIFA 2028, ku është shortuar në Grupin 10 së bashku me Italinë dhe Gjeorgjinë. Pas paraqitjeve të suksesshme në raundin preliminar, ku Kosova fitoi grupin e saj, tani synon të vazhdojë performancat pozitive dhe të luftojë për një vend në fazën Elite Round. Sipas formatit të UEFA-s, fituesit e 12 grupeve dhe katër vendet e dyta më të mira kalojnë direkt në fazën tjetër, ndërsa tetë vendet e dyta të mbetura do të luajnë në play-off. Ndeshjet e Main Round do të zhvillohen në dhjetor 2026 dhe mars 2027, ndërsa në prill 2028 do të përcaktohen shtatë përfaqësueset evropiane që do të marrin pjesë në turneun final të Kupës së Botës në futsall.