Në Kupën e Botës në Paragliding Accuracy, e zhvilluar në Maqedoninë e Veriut, pilotja kosovare Lisjeta Thaqi fitoi vendin e parë në kategorinë e femrave, duke lënë pas emra të njohur të sportit. Performanca e saj e qetë dhe e saktë dëshmoi nivelin elitar dhe përkushtimin e vazhdueshëm në garat ndërkombëtare. Përveç Lisjetës, edhe pilotët tjerë kosovarë shfaqën rezultate të shkëlqyera, ku Migjen Shala u rendit i katërti në renditjen e përgjithshme, ndërsa Fanol Shala dhe Lisjeta Thaqi ndanë vendin e pestë në botë. Ky sukses tregon se Kosova po prodhon kampionë që sfidojnë dhe mposhtin elitën botërore në paraglajding.