Kombëtarja U18 e Kosovës në volejboll përfundoi pjesëmarrjen e saj në Kampionatin Ballkanik me një ndeshje për vendin e shtatë kundër Moldavisë. Pas një serie sfidash të forta në turne, djemtë kosovarë synuan të mbyllnin garën me një paraqitje pozitive dhe fitore. Në këtë duel të fundit, Kosova dominoi në të tre setet, duke fituar me rezultat të pastër 3:0 (25:17, 25:18, 25:23). Kjo fitore i dha ekipit vendin e shtatë në renditjen përfundimtare dhe vulosi një performancë dinjitoze në këtë kampionat rajonal.