Përzgjedhësi i Kombëtares U21 të Kosovës, Hekuran Kryeziu, ka publikuar listën e futbollistëve të ftuar për ndeshjet e marsit në kuadër të Grupit A të kualifikimeve për Kampionatin Evropian 2027. Kosova U21 do të luajë më 27 mars në stadiumin “Fadil Vokrri” ndaj Rumanisë, ku synohet një rezultat pozitiv para tifozëve vendas. Më 31 mars, “Dardanët” do të përballen si mysafirë me Spanjën, një nga skuadrat më të forta në këtë kategori, në një sfidë që pritet të jetë shumë e vështirë. Stafi teknik dhe lojtarët synojnë të marrin maksimumin nga këto dy ndeshje për të mbajtur gjallë shpresat për kualifikim në fazat e ardhshme.