Kapiteni i Kombëtares së Senegalit, Kalidou Koulibaly, ka reaguar pas tensioneve të fundit brenda ekipit kombëtar, duke bërë thirrje për qetësi dhe bashkim. Ai ka apeluar që të shmangen përplasjet dhe konfliktet e brendshme, të cilat sipas tij mund të dëmtojnë imazhin e futbollit senegalez dhe të vendit në arenën ndërkombëtare. Koulibaly ka theksuar nevojën për përgjegjësi të përbashkët dhe reflektim nga të gjithë, duke kërkuar që vendimet të merren në interes të futbollit dhe brezave të rinj. Në mesazhin e tij optimist, kapiteni ka kujtuar se edhe luani ndonjëherë rrëzohet, por gjithmonë ngrihet përsëri.