Mbrojtësi i Kombëtares së Kosovës, Kreshnik Hajrizi, është zgjedhur futbollisti më i mirë i xhiros së 30-të në Superligën e Zvicrës. Ai shënoi golin e fitores për Sionin në ndeshjen kundër Zurichut, e cila përfundoi me rezultat 2:1, dhe ishte i dalluar në qendër të mbrojtjes gjatë gjithë takimit. Zgjedhja e tij u bë me votat e tifozëve në faqen zyrtare të ligës zvicerane, duke vlerësuar paraqitjen e tij fantastike dhe kontributin në skuadër. Kreshnik Hajrizi, 26 vjeç, ka regjistruar deri tani 31 paraqitje në të gjitha garat për Sionin këtë sezon, me 2 gola dhe 2 asistime, dhe pritet të grumbullohet me Kombëtaren e Kosovës për ndeshjen ndaj Sllovakisë.