Sulmuesi i Drenicës, Kreshnik Uka, është shpallur “Ylli i Javës” për xhiron e 30-të të Superligës së Kosovës, duke fituar këtë epitet për herë të tretë këtë edicion. Ai kontribuoi me dy gola në fitoren e rëndësishme 3:2 të Drenicës ndaj Prishtinës së Re, një fitore kyçe në garën për mbijetesë në elitën e futbollit kosovar. Federata e Futbollit të Kosovës dhe Komisioni i Veteranëve e vlerësuan Ukën si lojtarin më të mirë të javës, duke theksuar rolin e tij vendimtar në këtë sukses. Pas marrjes së çmimit, Uka u shpreh i lumtur për vlerësimin dhe për kontributin e tij në skuadër gjatë këtij sezoni.