Kristjan Asllani ndodhet në një moment kritik të karrierës së tij te Interi, ku e ardhmja e tij mbetet e pasigurt. Mesfushori shqiptar është rikthyer në fazën përgatitore me klubin italian, por Interi po kërkon ta shesë për shkak të një detaji financiar të rëndësishëm. Në kontratën e transferimit nga Empoli në vitin 2022, ekziston një klauzolë që parashikon një bonus prej 5 milionë eurosh nëse Asllani arrin 100 ndeshje me Interin, ndërsa ai ka luajtur deri tani 99 takime. Ky fakt duket se po nxit klubin të mos e aktivizojë më shumë, për të shmangur pagesën e këtij shume, duke e bërë Asllanin një nga emrat më të diskutuar në merkato.