Mesfushori shqiptar Ardon Jashari u përball me kritika në Itali pas paraqitjes së tij në ndeshjen e humbur të Milanit ndaj Sassuolos, ku kuqezinjtë u mposhtën 2-0. Në mungesë të Luka Modricit, Jashari nisi si titullar, por u zëvendësua në minutën e 66-të, ndërsa mediat italiane vlerësuan se ai nuk arriti të ndikojë siç pritej në mesfushë. “Corriere dello Sport” theksoi se sezoni i tij i parë në “San Siro” nuk ka qenë bindës, duke përmendur veçanërisht gabimin në aksionin e golit të parë dhe disa pasaktësi gjatë lojës. Megjithatë, mediumi italian thekson se është herët për një gjykim përfundimtar dhe se debutimi i 23-vjeçarit meriton vlerësim, duke pasur parasysh edhe lëndimin që e pengoi në fillim të sezonit.