Presidenti i FIFA-s, Gianni Infantino, është përfshirë në një krizë të thellë pas akuzave për shantazh nga Princi Ali bin Al Hussein, presidenti i Federatës së Futbollit të Jordanisë. Princi Ali pretendon se FIFA ka mbajtur peng fondet që i takojnë Jordanisë dhe se i është kërkuar të mbështesë publikisht Infantinon për të përfituar shpërblimet financiare, një kërkesë që ai e cilëson si shantazh. Këto akuza vijnë në një kohë kur Infantino po përballet me pakënaqësi të shumta pas dështimit të planit për shitjen e aksioneve të FIFA-s tek investitorët privatë. Për të menaxhuar krizën, Infantino ka thirrur një takim urgjent me drejtuesit më të lartë të FIFA-s në Rabat të Marokut, në përpjekje për të rikthyer mbështetjen e federatave anëtare para zgjedhjeve të vitit 2027.