Federata Shqiptare e Futbollit ka shprehur ngushëllimet më të thella për ndarjen nga jeta të ish-futbollistit të njohur të Flamurtarit, Agim Bubeqi, i cili u nda në moshën 63-vjeçare. Bubeqi ishte pjesë e brezit të artë të klubit vlonjat gjatë viteve ’80-’90 dhe la gjurmë të pashlyeshme në historinë e futbollit shqiptar. Në nderim të tij, kanë nisur homazhet në “Lumea Funeral Home”, ku familjarë, miq dhe figura të njohura të sportit kanë shprehur dhimbjen dhe respektin për kontributin e tij. Presidenti i Flamurtarit dhe ish-bashkëlojtarët kanë ndarë kujtime të veçanta, duke theksuar rëndësinë e figurës së Bubeqit për komunitetin sportiv dhe tifozët e klubit.