FIFA ka prezantuar për herë të parë tri maskota zyrtare për Kupën e Botës 2026, që do të mbahet në Shtetet e Bashkuara, Kanada dhe Meksikë. Çdo maskotë përfaqëson një nga vendet organizatore dhe pasqyron kulturën dhe identitetin e tyre kombëtar: Maple, një drer kanadez; Zayu, një jaguar me frymëzim nga trashëgimia kulturore e Meksikës; dhe Clutch, një shqiponjë tullace, simbol i SHBA-së. Këto personazhe do të përdoren në aktivitetet promovuese, ceremonitë dhe produktet zyrtare, duke shoqëruar tifozët gjatë gjithë turneut. Ky edicion i veçantë, i pari me tre organizatorë dhe 48 kombëtare pjesëmarrëse, synon të promovojë mesazhe uniteti, diversiteti dhe pasion për futbollin.