Kupa e Botës 2026, që do të zhvillohet në Shtetet e Bashkuara, Kanada dhe Meksikë, përballet me sfida serioze nga kushtet e paqëndrueshme atmosferike. Ekspertët paralajmërojnë se pothuajse të gjitha 104 ndeshjet mund të ndërpriten përkohësisht për shkak të stuhive të forta me vetëtima, bubullima, breshër dhe tornado në qytete si Kansas City, Atlanta dhe Dallas. Ndërkohë, në zonat bregdetare si Miami dhe Houston, temperaturat e larta dhe lagështia ekstreme mund të ndikojnë në performancën e futbollistëve. Organizatorët dhe FIFA janë duke monitoruar situatën dhe mund të detyrohen të ndryshojnë oraret e ndeshjeve ose të marrin masa shtesë sigurie për të mbrojtur lojtarët, stafet dhe tifozët.