Organizatorët e “Topit të Artë” kanë konfirmuar datën e publikimit të listave të kandidatëve për vitin 2026, duke hapur zyrtarisht garën për çmimet më prestigjioze individuale në futboll. Nominimet në 12 kategori të ndryshme, përfshirë meshkujt, femrat, talentet e rinj, portierët, trajnerët, sulmuesit dhe klubet më të mira, do të bëhen publike më 8 shtator në faqen zyrtare të çmimit. Ceremonia e ndarjes së çmimeve do të mbahet më 26 tetor në Londër, në një edicion të veçantë që shënon 70-vjetorin e themelimit të “Topit të Artë” dhe nderon legjendën Sir Stanley Matthews. Fituesit do të zgjidhen nga një panel ndërkombëtar gazetarësh, të cilët do të vlerësojnë performancat individuale, sukseset kolektive dhe sjelljen sportive të kandidatëve.