Jose Mourinho po konsiderohet si kandidat kryesor për stolin e Real Madridit, por rikthimi i tij nuk është i thjeshtë për shkak të disa kushteve që ai ka vendosur. Trajneri portugez kërkon një kontratë dyvjeçare dhe kontroll të plotë mbi vendimet sportive, duke përfshirë transferimet, përzgjedhjen e lojtarëve dhe menaxhimin e ekipit, pa ndërhyrje nga bordi drejtues. Ai kërkon gjithashtu një ambient pune të mbrojtur nga presioni mediatik, duke u paraqitur vetëm në konferencat e detyrueshme dhe duke pasur një zëdhënës të posaçëm për çështjet jashtë fushës. Për më tepër, Mourinho dëshiron të sjellë stafin e tij të ngushtë dhe është i hapur për përfshirjen e Alvaro Arbeloas, por nuk është i sigurt për vazhdimësinë e Antonio Pintus në ekipin fizik.