Qazim Laçi ka vazhduar formën e shkëlqyer në Superligën turke, duke kontribuar në fitoren 3-2 të Rizesporit ndaj Konyasporit. Ai shënoi golin e barazimit në minutën e 18-të, pas një momenti mungese përqendrimi të ekipit të tij, dhe më pas asistoi te goli që i dha epërsinë skuadrës në minutën e 58-të. Me këtë paraqitje, Laçi ka arritur në shtatë gola dhe nëntë asistime në 30 ndeshje këtë sezon, duke u bërë lojtari më efikas i Rizesporit dhe një nga faktorët kryesorë për mbijetesën e ekipit në elitën turke.