Xhudistja shqiptare Laurinë Gashi ka arritur gjysmëfinalet e Kupës Evropiane të xhudos që po zhvillohet në Podgoricë, Mali i Zi. Ajo tregoi formë të lartë duke mposhtur në çerekfinale Soraya Guenther nga Gjermania me Yuko, por në gjysmëfinale u mund me Ippon nga Kinga Klimczak nga Polonia. Pas kësaj humbjeje, Laurinë vazhdoi garën për medaljen e bronztë, ku do të përballet me Milana Stevanoviq nga Mali i Zi. Xhudistja synon të sigurojë një medalje dhe të shënojë një sukses të rëndësishëm në këtë kompeticion evropian.