Rafael Leao ka bërë të qartë se aventura e tij me Milanin ka përfunduar dhe kërkon një skuadër të re për sezonin e ardhshëm. Deri tani, nuk ka oferta konkrete nga klubet e mëdha, ndërsa interesimi më i madh vjen nga Premier League, me Arsenalin dhe Manchester Unitedin si destinacionet e preferuara të sulmuesit portugez. Megjithatë, e vetmja ofertë konkrete është ajo e Galatasaray, që i ofron një kontratë të majme, por Leao preferon të presë një sfidë në nivele më të larta, duke pritur zhvillimet në Angli dhe Botërorin me Portugalinë. Milani dëshiron të mbyllë sa më shpejt këtë çështje dhe është i gatshëm të pranojë një ofertë prej rreth 50 milionë eurosh për të lejuar largimin e sulmuesit.