Legjenda e Spartak Moskës, Valeriy Kechinov, ka përshëndetur transferimin e sulmuesit kosovar Mirlind Daku te Spartak Moskës, duke e cilësuar si një përforcim kyç për repartin ofensiv të skuadrës. Kechinov theksoi se blerja e Dakut zgjidh një nga nevojat kryesore të ekipit, duke shprehur besimin se sulmuesi do të sjellë ndihmë të madhe në fushë. Ai nuk dha një parashikim të saktë për numrin e golave që Daku do të shënojë, por është i sigurt që performanca e tij te Spartaku do të jetë më e mirë se ajo te Rubin Kazani. Transferimi i Dakut u realizua më 6 gusht për rreth 11 milionë euro, dhe legjenda e klubit i del në krah sulmuesit pas reagimeve të tifozëve.