Pas përfundimit të Kupës së Botës 2026, ku Belgjika u eliminua në çerekfinale nga Spanja kampione, trajneri Rudi Garcia ka vendosur të largohet nga posti i përzgjedhësit. Gjatë periudhës së tij, Garcia arriti 12 fitore, 6 barazime dhe vetëm 2 humbje në 20 ndeshje, por vendosi të mos vazhdojë më tej. Në vend të tij, legjenda holandeze Mark Van Bommel pritet të marrë drejtimin e kombëtares belge, me një kontratë që do të zgjasë deri në vitin 2028. Van Bommel, 49 vjeç, është pa klub që nga qershori 2024, kur u largua nga Royal Antëerp, ku fitoi titullin kampion dhe dy kupa të Belgjikës, dhe tashmë do të nisë një kapitull të ri në karrierën e tij si trajner i Belgjikës.