Leipzigu ka filluar zyrtarisht bisedimet për transferimin e sulmuesit Fisnik Asllani nga Hoffenheimi, duke synuar të forcojë repartin ofensiv për sezonin 2026/27. Drejtuesit e Leipzigut janë në negociata të avancuara dhe pritet të bëjnë ofertë zyrtare për shërbimet e tij, ndërsa Asllani ka kontratë me Hoffenheimin deri në vitin 2029 me një klauzolë lirimi prej 30 milionë eurosh. Kjo klauzolë ka nxitur interesin edhe të skuadrave të tjera të mëdha si Borussia Dortmund, Bayern Munchen dhe Barcelona, të cilat monitorojnë situatën e sulmuesit kosovar. Në sezonin e tij të parë në Bundesligë, Asllani ka treguar formë të shkëlqyer, duke shënuar 10 gola dhe dhënë 9 asistime në 33 paraqitje për Hoffenheimin.