Gjatë ndeshjes së zhvilluar mes Ferizajt dhe Malishevës, futbollisti i Malishevës, Emir Zogaj, pësoi një lëndim të rëndë në fundin e pjesës së parë gjatë një dueli me një lojtar kundërshtar. Ai u dërgua me urgjencë në Spitalin e qytetit të Ferizajit për trajtim dhe ekzaminime të nevojshme. Klubi i Malishevës njoftoi përmes rrjeteve sociale se gjendja e Zogajt është tani e mirë dhe ai do të vazhdojë rikuperimin në shtëpi. Falënderimet u shprehën edhe për stafin mjekësor të FC Ferizaj për ndihmën e dhënë gjatë trajtimit të futbollistit.