Kylian Mbappé pësoi një lëndim muskulor në këmbën e majtë gjatë ndeshjes së fundit të Real Madridit ndaj Betisit, duke u detyruar të largohet para kohe nga fusha. Klubi madrilen konfirmoi zyrtarisht dëmtimin, por nuk dha detaje për kohëzgjatjen e mungesës së sulmuesit francez, ndërsa mediat spanjolle raportojnë se ai do të mungojë në ndeshjen ndaj Espanyolit këtë fundjavë. Megjithatë, Mbappé shpreson të jetë gati për “El Clasicon” kundër Barcelonës më 10 maj në “Camp Nou”, një përballje kyçe për sezonin e Real Madridit. Ky lëndim vjen në një moment delikat për skuadrën, që ka nevojë për kontributin e plotë të yllit të saj, i cili ka shënuar 41 gola këtë sezon, duke e bërë mungesën e tij një goditje të rëndë për repartin ofensiv.