Klubi i Lens ka refuzuar kërkesën e Paris Saint-Germain për të shtyrë ndeshjen e planifikuar më 11 prill, pavarësisht kërkesave të kampionëve në fuqi për më shumë kohë pushimi për shkak të kalendarit të ngjeshur. PSG kërkoi ndryshimin e datës pasi do të luajë dy ndeshje të rëndësishme kundër Liverpool-it në Ligën e Kampionëve, më 8 dhe 14 prill, por drejtuesit e Lensit e konsideruan kërkesën të pajustifikuar dhe refuzuan ta favorizojnë rivalin direkt në garën për titullin në Ligue 1. Lens, që ndodhet vetëm një pikë pas PSG-së në renditje dhe kërkon suksesin e parë në kampionat pas 18 vitesh, shprehu shqetësim për besueshmërinë e kampionatit nëse kërkesa e PSG-së pranohet. Federata franceze e futbollit është në një pozicion të vështirë, pasi ndryshimi i datave kërkon marrëveshje mes klubeve dhe nuk mund të vendoset njëanshmërisht.