Leon Avdullahu ka firmosur një kontratë të re shumëvjeçare me klubin gjerman Hoffenheim, duke vazhduar bashkëpunimin deri në verën e vitit 2031. Lajmi u zyrtarizua nga klubi i Bundesligës, i cili e konsideron Avdullahun një lojtar strategjik dhe një figurë kryesore për të ardhmen e skuadrës. Drejtori sportiv Andreas Schicker vlerësoi vizionin e lojës dhe rolin e rëndësishëm që Avdullahu ka në ekip, ndërsa vetë futbollisti shprehu kënaqësinë për vazhdimin e kontratës dhe dëshirën për të kontribuar në suksesin e Hoffenheimit. Avdullahu iu bashkua Hoffenheimit në verën e kaluar nga Baseli për 10 milionë euro dhe ka qenë një element i rëndësishëm në skuadër, ku luan edhe me shokët dardanë Albian Hajdari dhe Fisnik Asllani, ndërsa Hoffenheimi synon kualifikimin në Champions League.