Mbrojtësi i krahut të majtë i Kosovës U21, Leon Parduzi, ka bërë debutimin e tij në Bundesliga 2 duke dhuruar një asistim të rëndësishëm. Në moshën 19-vjeçare, ai u inkuadrua në minutën e 74-të të ndeshjes së fundit të sezonit për Holstein Kiel kundër Dynamo Dresden dhe në minutën e 81-të asistoi për golin që ngushtoi rezultatin në 2:1. Megjithëse skuadra e tij përfundoi sezonin në vendin e 12-të me 41 pikë, Parduzi la një shenjë pozitive në debutimin e tij. Ky moment shënon një hap të rëndësishëm në karrierën e tij dhe një shenjë të talentit në futbollin gjerman.