Leonard Foniqi, talenti i ri shqiptar i futbollit, ka bërë një avancim të rëndësishëm në karrierën e tij sportive duke u transferuar nga SG 99 Andernach U17/U19 te Kickers Offenbach U19 në Gjermani. Ky 16-vjeçar do të garojë në nivelin e Bundesliga Junior, një platformë kyçe për zhvillimin e futbollistëve të rinj në Evropë. Leonard luan kryesisht si sulmues krahu, por ka aftësi edhe si mesfushor i avancuar, ndërsa ambicia e tij mbetet të arrijë të luajë për Kosovën në të ardhmen. Familja e tij ka shprehur gëzim dhe krenari për këtë hap të madh, duke e konsideruar realizimin e një ëndrre të madhe për të.