Robert Lewandowski po përgatitet të nisë një aventurë të re jashtë Europës, pasi është nisur drejt Shteteve të Bashkuara së bashku me agjentin e tij, Pini Zahavi, për të negociuar një kontratë me Chicago Fire. Klubi amerikan i ka ofruar sulmuesit polak një marrëveshje dy ose tre vjeçare me një pagë rreth 20 milionë dollarë në sezon, duke e bërë ofertën shumë tërheqëse për 37-vjeçarin. Pas një karriere të suksesshme në klubet e mëdha europiane si Borussia Dortmund, Bayern dhe Barcelona, Lewandowski po shqyrton mundësinë e një transferimi që do të rrisë edhe më shumë prestigjin e MLS-së. Aktualisht negociatat janë në fazë të avancuar dhe pritet që zyrtarizimi të ndodhë shumë shpejt.