Barcelona ka marrë një lajm të keq në prag të ndeshjes së dytë gjysmëfinale të Kupës së Mbretit kundër Atlético Madrid, pasi sulmuesi i tyre kryesor, Robert Lewandowski, nuk do të jetë në dispozicion për këtë sfidë. Ai pësoi një frakturë në pjesën e brendshme të orbitës së syrit të majtë gjatë ndeshjes së fundit të La Ligës kundër Villarrealit. Stafi mjekësor i Barcelonës njoftoi se testet diagnostikuan këtë lëndim serioz, por nuk përcaktuan një kohë të saktë rikuperimi, duke theksuar se gjithçka do të varet nga reagimi i lojtarit ndaj trajtimit dhe përparimi i shërimit në ditët në vijim.