Robert Lewandowski, sulmuesi 37-vjeçar polak, është ofruar si përforcim për AC Milan për sezonin e ardhshëm, pasi kontrata e tij me Barcelonën skadon në verë. Agjentët e tij po eksplorojnë mundësi të reja dhe Milani shihet si një destinacion i përshtatshëm për të vazhduar karrierën në një klub të madh evropian. Klubi kuqezi kërkon të forcojë sulmin dhe mbërritja e Lewandowskit, një prej golashënuesve më të mirë të gjeneratës së tij, do të ishte një përforcim i rëndësishëm për ambiciet e Milanit në Evropë. Pas eksperiencave në Borussia Dortmund, Bayern dhe Barcelonë, Lewandowski dëshiron një sfidë të re dhe Milani po përpiqet ta realizojë këtë transferim të bujshëm.