Robert Lewandowski, sulmuesi i Polonisë dhe legjenda e kombëtares së tyre, ka përshkruar ndeshjen ndaj Shqipërisë si një finale shumë të rëndësishme në kuadër të gjysmëfinales së play-off-it për Kupën e Botës 2026. Ai theksoi se Polonia do të luajë në shtëpi, në stadiumin kombëtar të Varshavës, ku mbështetja e tifozëve është një avantazh i madh. Lewandowski vlerësoi maksimalisht kundërshtarin shqiptar, duke e cilësuar atë si një rival të vështirë që gjithmonë u ka shkaktuar probleme, dhe nënvizoi se skuadra e tij nuk ka vend për gabime në këtë ndeshje vendimtare. Ai komentoi gjithashtu mundësinë që sfida të vendoset nga penalltitë, duke pranuar se edhe lojtarët më me përvojë mund të kenë hezitime, por shprehu gatishmërinë e tij për të marrë përgjegjësi në ato momente. Në rast fitoreje, Shqipëria do të përballet në finale me fituesin e ndeshjes Ukrainë – Suedi.