Liga e Kampionëve rikthehet këtë javë me duelet gjysmëfinale që priten të jenë shumë emocionuese dhe me rivalitet të madh. Ndeshjet zhvillohen të martën dhe të mërkurën, në Paris dhe Madrid, me fillim në orën 21:00. Gjysmëfinalja e parë përbën përballjen mes kampionit në fuqi Paris Saint-Germain dhe Bayern Munchenit, skuadra favorite për titullin këtë sezon, të cilat arritën të eliminojnë përkatësisht Liverpoolin dhe Real Madridin në fazën çerekfinale. Në gjysmëfinalen e dytë do të ndeshen Atletico Madridi dhe Arsenal, të cilat kaluan më tej pas eliminimit të Barcelonës dhe Sportingut të Lisbonës.