Pilotja kosovare Lisjeta Thaqi ka arritur të renditet e para në botë në kategorinë e femrave në paragllajd, duke vendosur Kosovën në krye të sportit të paragllajdit ndërkombëtar. Ky sukses përfaqëson një arritje personale të jashtëzakonshme, por edhe një fitore të madhe për sportin ajror dhe komunitetin e aviacionit sportiv në Kosovë. Arritja e saj është rezultat i punës së palodhur dhe disiplinës, si dhe udhëheqjes së trajnerit rekordmen botëror dhe evropian Fanol Shala, i cili ka ndërtuar një ekip kampionësh. Nën drejtimin e Federatës Aeronautike të Kosovës, ky rezultat dëshmon se Kosova është një forcë serioze dhe konkurruese në skenën botërore të paragllajdit të precizionit.