Arne Slot pritet të qëndrojë trajner i Liverpoolit edhe për edicionin e ardhshëm, pavarësisht vështirësive që ka hasur skuadra këtë sezon. Holandezi fitoi titullin e kampionit në sezonin e tij të parë, por performanca e Liverpoolit këtë sezon ka qenë e paqëndrueshme, duke krijuar dyshime për të ardhmen e tij në krye të skuadrës. Për një kohë të gjatë u përfol se vendin e tij mund ta merrte ish-trajneri i Real Madridit, Xabi Alonso, por fakti që Liverpooli është shumë pranë sigurimit të një vendi në Ligën e Kampionëve ka shtuar besimin e klubit tek Slot. Para këtij sezoni, Liverpooli investoi qindra miliona euro në transferime, duke sjellë futbollistë të shtrenjtë si Alexander Isak, Florian Wirtz dhe Hugo Ekitike, duke treguar ambiciet e mëdha të klubit për sukses.