Liverpooli ka vendosur të mbajë Arne Slot si trajnerin e skuadrës, duke refuzuar ofertat dhe spekulimet për rikthimin e Xabi Alonson në stolin e “Reds”. Edhe pse sezoni po shkon drejt një përfundimi të vështirë dhe skuadra ndodhet në vendin e katërt në Ligën Premier, klubi nuk ka ndërmend të ndryshojë drejtimin teknik, pavarësisht presionit që mund të vijë nga mungesa e Ligës së Kampionëve. Gazetari Fabrizio Romano ka hedhur poshtë raportimet që flisnin për kontakte mes Liverpoolit dhe Alonsonit, duke theksuar se klubi është i fokusuar në mbështetjen e Slotit. Ndërkohë, Alonso mbetet i lirë pas largimit nga Real Madridi, por për momentin nuk është pjesë e planeve të Liverpoolit.