Liverpooli po përgatit ofertën e tretë për anësorin e Brightonit, Yankuba Minteh, pavarësisht se lojtari është i dëmtuar dhe në rikuperim pas një operacioni në kyçin e këmbës. Dy ofertat e para, prej 50 dhe 60 milionë paundësh, janë refuzuar nga Brighton, i cili kërkon më shumë se 70 milionë paund për 22-vjeçarin. Trajneri i Brightonit, Fabian Hurzeler, ka pranuar se largimet e lojtarëve kryesorë janë të mundshme, por thekson se skuadra ka alternativa për të përballuar mungesën e Minteh. Ditët e ardhshme pritet të jenë vendimtare për negociatat, ndërsa Liverpooli po shqyrton nëse do të rrisë ofertën për të bindur Brightonin.