Real Madridi po kërkon të forcojë mesfushën këtë verë, duke pasur në listë disa emra të njohur si Vitinha, Rodri Hernández dhe Kees Smit, por edhe talentin e Crystal Palace dhe Anglisë, Adam Wharton. 22-vjeçari është ndjekur nga klubi spanjoll për më shumë se një vit dhe përputhet me strategjinë e Realit për të sjellë lojtarë të rinj me potencial të lartë. Megjithatë, Liverpooli ka hyrë në garë dhe është favorit për ta transferuar Wharton, duke zhvilluar bisedime të avancuara me përfaqësuesit e tij dhe duke synuar marrëveshje personale para merkatos verore. Kjo situatë i shtyn drejtuesit e Realit të marrin vendime të shpejta, pasi rrezikojnë të mbeten prapa në këtë garë për një prej yjeve më premtues të Premierligës.