Klubi i futbollit Llapi është vënë nën hetim disiplinor nga Komisioni i Garave i Federatës së Futbollit të Kosovës pas incidenteve të ndodhura në ndeshjen kundër Drenicës në javën e 28-të të Superligës. Tifozët vendas kanë ofenduar në kor skuadrën mysafire para dhe gjatë ndeshjes, kanë hedhur mjete tymuese dhe të forta në fushë, si dhe kanë sulmuar lojtarët e Drenicës gjatë daljes në fushë dhe pas përfundimit të ndeshjes. Pas ndeshjes, autobusi i skuadrës mysafire është sulmuar dhe dëmtuar me gurë, duke iu thyer xhami, edhe pse ishte i përcjellë nga Policia. Komisioni disiplinor pritet të marrë masa ndaj Llapit, duke përfshirë edhe mundësinë e ndëshkimit pa praninë e shikuesve në ndeshjet e ardhshme.