KF Llapi ka zyrtarizuar transferimin e mesfushorit ofensiv kroat Pjero Shkariq, i cili ka nënshkruar kontratë me klubin deri në verën e vitit 2028. 27-vjeçari iu bashkua skuadrës pas kalimit me sukses të ekzaminimeve mjekësore dhe ka nisur përgatitjet për sezonin e ri me bardhekaltërit. Shkariq vjen në Podujevë pas një sezoni të suksesshëm me NK Hrvace, ku në 34 ndeshje realizoi 10 gola dhe dha 5 asistime, duke qenë një nga lojtarët më të dalluar të ekipit. Klubi pret që ai të sjellë një dimension të ri në repartin ofensiv dhe të ndihmojë në arritjen e objektivave për sezonet e ardhshme, ndërsa familja bardhekaltër i uron mirëseardhjen dhe suksese.