KF Llapi ka konfirmuar transferimin e sulmuesit holandez Yaid Marhoum, 22 vjeç, i cili ka nënshkruar një kontratë afatgjatë deri në verën e vitit 2029. Marhoum është rritur në akademinë e njohur të FC Twente dhe ka fituar përvojë në futbollin profesionist me TOP Oss në Holandë. Klubi nga Podujeva pret që sulmuesi i ri, me shtatlartësinë dhe forcën e tij fizike, të sjellë një dimension të ri në repartin ofensiv dhe të ndihmojë në arritjen e objektivave të skuadrës. Drejtuesit e Llapit i kanë uruar mirëseardhjen dhe suksese me fanellën bardhekaltër, duke e konsideruar pjesë kyçe të projektit të tyre për sezonet e ardhshme.