Stanislav Lobotka, një nga lojtarët kryesorë të Napolit dhe i kombëtares sllovake, pësoi një lëndim muskulor dy javë para ndeshjes gjysmëfinale të plejofit për Kupën e Botës 2026 kundër Kosovës, që do të zhvillohet më 26 mars në Bratislavë. Ende nuk dihet koha e rikuperimit të Lobotkas, por lëndimet muskulore kërkojnë kujdes të veçantë. Më 19 shkurt, kapiteni i Sllovakisë, Milan Skriniar, u lëndua gjatë ndeshjes së Fenerbahçes kundër Nottingham Forest në Ligën e Evropës, duke i shtuar probleme skuadrës para kësaj sfide të rëndësishme. Edhe Kosova përballet me mungesa, pasi kapiteni Amir Rrahmani u dëmtua në një ndeshje të Napolit kundër Romës në shkurt, duke vështirësuar më tej situatën e dy ekipeve para përballjes vendimtare.