Para ndeshjes së parë në Kupën e Botës 2026 kundër Australisë, disa lojtarë të përfaqësueses së Turqisë janë kapur duke pirë duhan në ballkonin e hotelit ku janë akomoduar në Vankuver. Në video të shpërndara në rrjetet sociale, mes tyre është identifikuar mbrojtësi i Fenerbahçes, Çağlar Soyuncu, ndërsa dy lojtarë të tjerë nuk janë identifikuar qartë. Ky veprim ka shkaktuar reagime të ashpra nga tifozët dhe mediat turke, të cilët e konsiderojnë sjelljen si mungesë disipline dhe respekti ndaj fanellës kombëtare.