Lorent Tolaj, sulmuesi 24-vjeçar me origjinë shqiptare, ka shkëlqyer këtë sezon në “League One” me Plymouth Argyle, duke shënuar 22 gola dhe dhënë 8 asistime në 39 ndeshje. Trajneri i Rangers, Danny Rohl, ka shfaqur interes konkret për transferimin e tij, duke e parë si një përforcim të nevojshëm në repartin ofensiv të skuadrës skoceze. Vlera e Tolajt është rreth 500 mijë euro, por Plymouth nuk pritet ta lërë të lirë për më pak se 4 milionë euro, ndërsa kontrata e tij skadon në vitin 2029. Sulmuesi ka luajtur me përfaqësueset e moshave të Zvicrës dhe ka opsione për të zgjedhur mes Kosovës, Zvicrës dhe Shqipërisë për kombëtaren A, duke qenë një objektiv tërheqës për disa ekipe.