Jhon Lucumi është shumë pranë transferimit te Juventusi, i cili po përgatitet të ofrojë 20 milionë euro plus bonuse për mbrojtësin kolumbian nga Bologna. Edhe pse Lucumi ka një kontratë me Bolognan deri në qershor 2027, klubi nuk dëshiron ta lërë të largohet për më pak se 25 milionë euro, ndërsa Juventus nuk mund të përfshijë lojtarë si pjesë të marrëveshjes. Mbrojtësi ka dhënë dakordësinë për një kontratë pesëvjeçare me pagë rreth 2.5 milionë euro në sezon, duke preferuar Juventusin pavarësisht ofertave më të larta nga klube të tjera si Nottingham Forest. Negociatat mes klubeve pritet të rifillojnë së shpejti për të arritur një marrëveshje përfundimtare dhe për të finalizuar transferimin e Lucumit te “Zonja e Vjetër”.